اسلام آباد: (رائیٹ ناؤ نیوز) پاکستان تحریک انصاف کی پارلیمانی قائمہ کمیٹیوں میں واپسی کا فیصلہ بانی پی ٹی آئی عمران خان کی منظوری پر منحصر ہے۔ پارٹی کی سینئر قیادت نے اس پر حتمی فیصلہ عمران خان کی منظوری سے جوڑ دیا ہے۔

ذرائع کے مطابق بانی پی ٹی آئی سے آئندہ ملاقات میں کمیٹیوں میں واپسی کی تجویز پیش کی جائے گی۔ اس کے بعد اس پر فیصلہ متوقع ہے۔

پارٹی ذرائع کا کہنا ہے کہ سینیٹ اور قومی اسمبلی میں پی ٹی آئی کے بیشتر ارکان کمیٹیوں میں دوبارہ شمولیت کے خواہاں ہیں۔ کئی ارکان نے پارٹی اجلاسوں میں اس تجویز کو پیش کیا ہے۔

سینئر قیادت نے ارکان کو بتایا ہے کہ کمیٹیوں میں واپسی یا بائیکاٹ سے متعلق حتمی فیصلہ ان کے اختیار میں نہیں ہے۔ یہ فیصلہ بانی پی ٹی آئی کی ہدایت کے بعد ہوگا۔

یاد رہے کہ پی ٹی آئی نے کچھ عرصہ قبل کمیٹیوں کا بائیکاٹ کیا تھا اور اب واپسی کے حوالے سے غور کیا جا رہا ہے۔