نیویارک: (رائیٹ ناؤنیوز) امریکی صدر ڈونلڈ ٹرمپ کی سوشل میڈیا کمپنی نے مالیاتی اداروں کے لئے نئی سروس متعارف کرانے کا اعلان کیا ہے۔ اس سروس کے ذریعے اداروں کو ٹرمپ کی پوسٹس تک جلد رسائی دی جائے گی۔

کمپنی نے وال اسٹریٹ کے سرمایہ کاروں اور ٹریڈنگ فرموں کو سروس کے لئے ماہانہ ایک لاکھ ڈالر فیس کی پیشکش کی ہے۔ تین سالہ معاہدہ کرنے والے اداروں کے لئے رعایتی پیکیج بھی پیش کیا گیا ہے۔

ٹرمپ میڈیا نے ‘ٹروتھ اے پی آئی’ سروس کا اعلان کیا ہے، جو یکم اگست سے شروع ہوگی۔ اس سروس میں بینکوں اور ٹریڈنگ کمپنیوں کو 10 اہم اکاؤنٹس کی تیز رفتار پوسٹس فراہم کی جائیں گی۔

یہ سروس کمپنی کے لئے آمدنی کا نیا ذریعہ بن سکتی ہے۔ امریکی سینیٹ میں اس پر بحث چھڑ گئی ہے اور تنقید کی جا رہی ہے کہ اس سے ٹرمپ خاندان کو فائدہ ہوگا۔

واضح رہے کہ ٹرمپ میڈیا کے شیئرز کی قیمت میں 27 فیصد کمی آ چکی ہے۔ اس سروس کے اعلان کے بعد کمپنی کی مارکیٹ مالیت تقریباً 2.7 ارب ڈالر ہے۔