لاہور: (رائیٹ ناؤ نیوز) قومی ٹیسٹ ٹیم کے کپتان بابراعظم نے کہا ہے کہ بیٹنگ کے دوران ان کی حکمت عملی ہمیشہ ٹیم کی ضرورت کے مطابق ہوتی ہے۔ اگر ٹیم کو تیز کھیلنے کی ضرورت ہو تو وہ تیز کھیلتے ہیں۔

بابراعظم نے پی سی بی کے پروگرام میں کہا کہ پاکستان کی کپتانی ان کے لیے اعزاز کی بات ہے۔ ماضی کے تجربات سے سیکھا ہے اور اب بہتر پلاننگ اور مثبت سوچ کے ساتھ قیادت کریں گے۔

انہوں نے مزید کہا کہ وقت کے ساتھ کپتانی میں پختگی آتی ہے۔ بطور کپتان فیصلوں کا جائزہ لیا اور سیکھنے کی کوشش کی۔ ان کی کوشش ہے کہ نوجوان کھلاڑیوں کو مشکل وقت میں سپورٹ کریں۔

انہوں نے بتایا کہ دورہ ویسٹ انڈیز اور انگلینڈ کے لیے ٹیسٹ اسکواڈ کا انتخاب قومی سلیکشن کمیٹی نے کیا ہے۔ این سی اے ریڈ بال کیمپ ٹیم کے لیے اہم رہا۔

یاد رہے کہ بابراعظم نے کہا ہے کہ مشکل کنڈیشنز میں ٹریننگ سے کھلاڑی مضبوط ہوتے ہیں۔ ویسٹ انڈیز کا دورہ چیلنجنگ ہوگا لیکن تیاری مکمل ہے۔