گلگت: (رائیٹ ناؤ نیوز) امجد حسین ایڈووکیٹ نے گلگت بلتستان کے وزیراعلیٰ کے عہدے کا حلف اٹھا لیا۔ گورنر سید مہدی شاہ نے انہیں حلف دلایا۔ تقریب میں بلاول بھٹو زرداری اور امیر مقام نے شرکت کی۔

وزیراعلیٰ امجد حسین نے خطاب میں کہا کہ 7 جون کو پیپلز پارٹی نے گلگت بلتستان میں بڑی کامیابی حاصل کی۔ انہوں نے نوجوانوں اور خواتین کی شرکت کو اہم قرار دیا اور پارٹی کو دی گئی ذمہ داریوں کو تسلیم کیا۔

انہوں نے پیپلز پارٹی پر اعتماد کرنے والوں کا شکریہ ادا کیا۔ ان کا کہنا تھا کہ مرکز میں حکومت نہ ہونے کے باوجود عوام نے ان پر بھروسہ کیا۔ مسلم لیگ ن کی قیادت کا بھی شکریہ ادا کیا جنہوں نے حکومت بنانے کا موقع دیا۔

وزیراعلیٰ نے کہا کہ گلگت بلتستان کے موسم کی مثال دنیا میں نہیں ملتی۔ انہوں نے یہاں زمینی اور ہوائی سفر کی سہولیات فراہم کرنے کا عزم کیا۔ تمام سیکٹرز میں ریفارمز لانے اور گلگت بلتستان کو پاکستان کا ماڈل صوبہ بنانے کی کوشش کریں گے۔

یاد رہے کہ پیپلز پارٹی نے حالیہ انتخابات میں بڑی کامیابی حاصل کی تھی۔ امجد حسین ایڈووکیٹ کی قیادت میں پارٹی نے بھاری مینڈیٹ حاصل کیا ہے۔