کراچی: (رائیٹ ناؤنیوز) معروف اداکارہ بشریٰ انصاری نے اپنے سابق داماد پر سنگین الزامات عائد کرتے ہوئے انکشاف کیا ہے کہ انہوں نے ان کی بیٹی نریمان انصاری کے ساتھ دھوکہ کیا۔ بشریٰ انصاری نے کہا کہ داماد نے بیٹی کو چھوڑ کر اپنی زندگی میں آگے بڑھنے کا فیصلہ کیا۔

اداکارہ نے اپنے وی لاگ میں بتایا کہ ان کے سابق داماد نے نہ صرف بیٹی بلکہ بچوں کو بھی چھوڑ دیا۔ انہوں نے اثاثے لےکر علیحدگی اختیار کر لی۔ بشریٰ نے کہا کہ داماد کی بدکرداری نے خاندان کو شدید نقصان پہنچایا۔

انصاری نے کہا کہ تعلیم یافتہ لیکن بدکردار لوگ معاشرے میں موجود ہیں جو میٹھی باتوں سے لوگوں کو متاثر کرتے ہیں۔ انہوں نے مزید کہا کہ ایسے افراد مالی فائدے کے لیے رشتے قائم کرتے ہیں اور بعد میں انہیں ختم کر دیتے ہیں۔

بشریٰ انصاری نے کہا کہ انہیں حیرت ہے کہ ایسے افراد کو دوبارہ بھی پڑھی لکھی خواتین مل جاتی ہیں۔ ان کا کہنا تھا کہ یہ لوگ نرم لہجے سے متاثر کر کے لوگوں کو شکار بناتے ہیں۔

واضح رہے کہ بشریٰ انصاری کی بیٹی اب محفوظ اور خوش زندگی گزار رہی ہیں۔ ایسے واقعات معاشرے کے لیے لمحہ فکریہ ہیں، جس پر غور کرنے کی ضرورت ہے۔