نیو یارک: (رائیٹ ناؤنیوز) فیفا نے امریکی فارورڈ فولارن بیلوگن کی معطلی ختم کر دی، جس پر بیلجیئم نے سخت احتجاج کیا ہے۔ امریکی صدر ڈونلڈ ٹرمپ نے اس فیصلے کا خیر مقدم کیا ہے۔

بیلوگن کو بوسنیا کے خلاف میچ میں ریڈ کارڈ ملا تھا۔ انہوں نے اس میچ میں پہلا گول کیا تھا اور امریکا نے 0-2 سے کامیابی حاصل کی تھی۔

اتوار کو فیفا نے اچانک اعلان کیا کہ آرٹیکل 27 کے تحت بیلوگن کی معطلی ختم کی جا رہی ہے۔ تاہم، ریڈ کارڈ ان کے ریکارڈ پر ایک سال تک رہے گا۔

یہ فیصلہ غیر معمولی ہے کیونکہ فیفا قوانین کے تحت سیدھے ریڈ کارڈ کی اپیل نہیں ہوتی۔ بیلجیئم فٹبال ایسوسی ایشن نے فیفا کے فیصلے پر ناراضی کا اظہار کیا ہے۔

یاد رہے کہ اس سے قبل بھی آرٹیکل 27 کے تحت بڑے کھلاڑیوں کو ریلیف مل چکا ہے۔ کرسٹیانو رونالڈو کی معطلی بھی کم کی گئی تھی، جس سے وہ ورلڈ کپ کے ابتدائی میچ کھیلنے کے اہل ہو گئے تھے۔