لاہور: (رائیٹ ناؤنیوز) انٹرنیشنل ہاکی فیڈریشن کے صدر طیب اکرام نے کہا ہے کہ اب ہماری توجہ ہاکی ورلڈکپ پر مرکوز ہو گئی ہے۔ انہوں نے پرو ہاکی لیگ میں شریک ممالک کے اجلاس کو نتیجہ خیز قرار دیا۔

اجلاس میں طیب اکرام نے کھیل کے وقار کو بلند کرنے کے لیے ہر قومی ایسوسی ایشن کے کردار پر زور دیا۔ انہوں نے آئی او سی کے فٹ فار ڈی فیوچر پروگرام کی اہمیت کو بھی اجاگر کیا۔

طیب اکرام نے کہا کہ کھیل کی ترقی کے لیے مل کر کام کرنے سے ہاکی کے تعاون کو مزید مضبوط بناتے ہیں۔ انہوں نے پرو لیگ اور نیشنز کپ کے کامیاب انعقاد کا ذکر کیا۔

ورلڈکپ کی تیاریاں مکمل ہیں، خواتین و مرد کھلاڑیوں کے لیے یہ بہترین موقع ہے۔ طیب اکرام نے کہا کہ کندھے سے کندھا ملا کر کھیل کی ترقی کے لیے کام کریں۔

یاد رہے کہ ایف آئی ایچ اجلاس میں پاکستان کی نمائندگی طاہر زمان نے کی۔ ورلڈکپ کے آغاز میں پچاس دن سے بھی کم وقت باقی ہے۔