تہران: (رائیٹ ناؤ نیوز) ایرانی وزیر خارجہ عباس عراقچی نے کہا ہے کہ آبنائے ہرمز پر جنگ سے پہلے والا انتظام بحال نہیں ہوگا۔ انہوں نے واضح کیا کہ آبی گزرگاہ پر خدمات اب مفت نہیں رہیں گی۔

عراقچی نے مزید کہا کہ آبنائے ہرمز ایران کا ایک اہم دفاعی ذریعہ ہے۔ ان کے مطابق یہ آبی گزرگاہ ایران اور عمان کی خودمختاری کے تحت آتی ہے۔

ایرانی وزیر خارجہ نے بتایا کہ مفاہمتی یادداشت میں آبنائے ہرمز کا معاملہ شامل ہے۔ انہوں نے مزید کہا کہ ایران کے خلاف امریکی بحری ناکہ بندی کے خاتمے کا نکتہ بھی متن میں موجود ہے۔

عراقچی کے مطابق اگر مفاہمتی یادداشت پر عمل نہ ہوا تو حتمی معاہدے کےلئے مذاکرات نہیں ہوں گے۔ انہوں نے کہا کہ دوسرے فریق کی وعدہ خلافی کا تجربہ ایران کے سامنے موجود ہے۔

واضح رہے کہ ایران اور امریکہ کے درمیان مفاہمتی یادداشت پر ابھی دستخط نہیں ہوئے۔ عراقچی کے مطابق متن کئی بار تبدیل ہوا اور فیصلہ اجتماعی مشاورت سے کیا جائے گا۔