اسلام آباد: (رائیٹ ناؤ نیوز) وزیر دفاع خواجہ آصف نے بھارت کو خبردار کیا ہے کہ اگر بھارت نے دوبارہ للکارنے کی کوشش کی تو اس کا جغرافیہ بدل کر تاریخ کا حصہ بنا دیں گے۔

خواجہ آصف نے پروگرام کیپٹل ٹاک میں حامد میر کو انٹرویو دیتے ہوئے بھارتی آرمی چیف کی دھمکی کا جواب دیا۔ انہوں نے کہا کہ بھارت کو پہلے کی مار ابھی تک یاد ہے اور وہ اسے سہلا رہا ہے۔

خواجہ آصف نے ایران پر امریکا یا اسرائیل کے دوبارہ حملے کے امکان کو مسترد کرتے ہوئے کہا کہ عالمی ممالک جنگ کے حق میں نہیں ہیں۔

وزیر دفاع نے 28ویں ترمیم پر بات کرتے ہوئے کہا کہ کابینہ میں اس پر ابھی تک کوئی بات نہیں ہوئی ہے۔

واضح رہے کہ وزیر اعظم نے برطانوی اخبار کو انٹرویو میں کہا تھا کہ اسلام آباد میں مذاکرات کے ایک اور دور کی کوشش جاری ہے۔