کراچی: (رائیٹ ناؤ نیوز) انمول پنکی، جو ملک بھر میں کوکین کی سپلائی کے لیے جانی جاتی ہے، کو عدالت میں پیش کیا گیا۔ اس نے پولیس پر زبردستی بیانات دلوانے کے الزامات لگائے اور شدید احتجاج کیا۔

عدالت میں انمول پنکی نے دعویٰ کیا کہ پولیس نے اسے لاہور سے غیر قانونی طور پر گرفتار کیا اور بیس دن حراست میں رکھا۔ اس نے کہا کہ اس پر بوجھ ڈال کر زبردستی سیاسی افراد کے نام بلوائے جا رہے ہیں۔

پولیس نے انمول کے الزامات کو مسترد کرتے ہوئے عدالت کو بتایا کہ وہ انتہائی شاطر ہے اور منشیات کا نیٹ ورک چلا رہی ہے۔ تفتیشی افسر نے کہا کہ ملزمہ کے موبائل سے 800 سے زائد خریداروں کی فہرست ملی ہے۔

واضح رہے کہ انمول کے انکشافات میں شوبز ستاروں اور سیاستدانوں کے نام بھی منشیات خریدنے والوں میں شامل ہیں۔ اس نے دعویٰ کیا کہ اس نے رشوت کے طور پر پولیس اہلکاروں کو بڑی رقم دی۔

یاد رہے کہ انمول پنکی کو 2024 میں لاہور میں گرفتار کیا گیا تھا۔ اس کے نیٹ ورک کے تانے بانے ملک اور بیرون ملک تک پھیلے ہوئے ہیں۔ سندھ اسمبلی میں بھی اس مسئلے پر بحث ہو چکی ہے۔