اسلام آباد: (رائیٹ ناوٴ نیوز) ملک بھر میں نارمل پاسپورٹ کا اجرا 21 دن سے کم کرکے 14 دن کر دیا گیا ہے۔ وزیر داخلہ محسن نقوی اور وزیر مملکت طلال چوہدری کی زیر صدارت اجلاس میں یہ فیصلہ کیا گیا۔

وزیر داخلہ نے پاسپورٹ دفاتر میں مکمل کیش لیس سسٹم رائج کرنے کا اعلان کیا۔ انہوں نے پاسپورٹ کی گھروں تک ڈیلیوری کے نظام کو مؤثر بنانے کی بھی ہدایت دی۔

حکام نے بزنس پاسپورٹ کے اجرا کے نظام کو جلد مکمل کرنے کی ہدایت دی ہے۔ مکمل کیش لیس نظام 15 روز میں نافذ کرنے کا ٹاسک دیا گیا ہے۔

پاسپورٹ دفاتر میں کیش لیس نظام سے ایجنٹ مافیا کا خاتمہ ممکن ہوگا۔ شہریوں کو بہتر سہولت فراہم کرنا مقصد ہے۔

یاد رہے کہ پاسپورٹ اتھارٹی کا قیام عوامی سہولت کے لیے ضروری سمجھا جا رہا ہے۔ بزنس پاسپورٹ کے امور پر بھی کام تیز کرنے کی ہدایت کی گئی ہے۔