صنعا: (رائیٹ ناوٴ نیوز) یمن کے حوثیوں کے ترجمان یحییٰ سریع نے کہا ہے کہ گروپ کی انگلیاں ‘فوجی مداخلت کے لیے’ تیار ہیں، اگر کچھ شرائط پوری ہو جائیں۔

سریع نے پانچ نکات پیش کیے، جن میں امریکہ اور اسرائیل سے ایران اور ‘محور مزاحمت کے ممالک’ بشمول لبنان کے ساتھ جنگ روکنے کی سفارتی کوششوں کا جواب دینے کی اپیل کی۔

ان کا کہنا تھا کہ یہ جارحیت غیر منصفانہ، ظالمانہ اور بلا جواز ہے، جو عالمی اور علاقائی استحکام و سلامتی کو نقصان پہنچا رہی ہے اور عالمی معیشت کے لیے خطرہ ہے۔

انہوں نے فلسطین، لبنان، عراق، ایران میں جارحیت روکنے اور یمن پر ‘غیر منصفانہ محاصرہ’ ختم کرنے کی ضرورت پر زور دیا۔

واضح رہے کہ حوثیوں نے خبردار کیا ہے کہ اگر امریکہ اور اسرائیل کی طرف سے ایران کے خلاف جنگ میں نئے ممالک شامل ہوں یا بحیرہ احمر کو ایران یا کسی مسلم ملک کو نشانہ بنانے کے لیے استعمال کیا جائے تو وہ فوجی مداخلت کریں گے۔