اسلام آباد: (رائیٹ ناوٴ نیوز) اڈیالہ جیل میں میڈیکل بورڈ نے عمران خان کا معائنہ کیا اور رپورٹ حکومت کو پیش کرنے کی توقع ہے۔ رپورٹ میں بتایا گیا ہے کہ عمران خان کی بینائی میں بہتری ہوئی ہے۔ الشفا آئی ٹرسٹ اسپتال کے ڈاکٹر ندیم قریشی اور پمز کے ڈاکٹر عارف نے ان کا معائنہ کیا۔

میڈیکل ٹیم نے دو گھنٹے اڈیالہ میں گزارے، تفصیلی چیک اپ اور ضروری ٹیسٹ کیے۔ ذرائع کے مطابق اپوزیشن قیادت کو بھی آگاہ کیا گیا کہ عمران خان کی آنکھ کے پروسیجر کے بعد نتائج مثبت ہیں۔

رپورٹ میں مزید انجیکشنز کی ضرورت کا ذکر کیا گیا ہے اور ماہرین کی رائے کے مطابق اسپتال منتقلی کا فیصلہ ہونا باقی ہے۔ تاہم، تحریک انصاف نے فیملی اور ذاتی معالجین کے بغیر معائنہ مسترد کر دیا ہے۔

پارلیمنٹ کی راہداریوں پر تحریک انصاف کا دھرنا چوتھے روز بھی جاری ہے۔