اسلام آباد: (رائیٹ ناوٴ نیوز) شاداب خان بگ بیش لیگ کی فرنچائز سڈنی تھنڈر سے 4 جنوری کو ریلیز ہو جائیں گے۔ ان کی 5 جنوری کو قومی اسکواڈ میں شمولیت کا امکان ہے، اور وہ 4 جنوری کو سری لنکا روانہ ہوں گے۔

شاداب خان پاک سری لنکا سیریز کے بعد آسٹریلیا واپس جائیں گے اور 16 جنوری کو ایس سی جی میں سڈنی سکسرز کے خلاف کھیلیں گے۔ بگ بیش لیگ میں ان کی کارکردگی میں چار میچز میں 100 رنز اور 6 وکٹیں شامل ہیں۔

شاداب خان نے اپنے بیان میں کہا ہے کہ وہ دوبارہ اپنے ملک کی نمائندگی کرنے کے لیے پرجوش ہیں اور سیزن کے آخر میں تھنڈر اسکواڈ میں دوبارہ شامل ہونے کے منتظر ہیں۔