اسلام آباد: (رائیٹ ناوٴ نیوز) وزیر مملکت بیرسٹر عقیل ملک نے بانی پی ٹی آئی سے ملاقات کا طریقہ کار بتایا ہے۔ انہوں نے کہا کہ بانی پی ٹی آئی سے ملاقات کے لیے بیان حلفی دینا ہوگا کہ کوئی سیاسی گفتگو نہیں ہوگی اور کسی ادارے کو نشانہ نہیں بنایا جائے گا۔

بیرسٹر عقیل نے مزید کہا کہ بانی پی ٹی آئی کرپشن کے الزام میں جیل میں ہیں اور ان کو وہاں تمام سہولیات فراہم کی گئی ہیں، جن میں 6 سے 7 کمروں کا انتظام شامل ہے۔ ملاقات کے بعد اداروں کے خلاف بیانات دیے جاتے ہیں جو کہ قابل مذمت ہے۔