راولپنڈی: (رائیٹ ناوٴ نیوز) وزیر اعلیٰ خیبرپختونخوا سہیل آفریدی نے کہا ہے کہ فیض حمید ایک ادارے کے ملازم تھے اور ان کی سزا ادارے کا اندرونی معاملہ ہے۔

سہیل آفریدی نے بانی پی ٹی آئی سے اڈیالہ جیل میں ملاقات کے بعد کہا کہ بانی پی ٹی آئی پاکستان اور اداروں کی مضبوطی کی کوشش کرتے ہیں۔ انہوں نے مذاکرات کا اختیار محمود اچکزئی اور راجہ ناصر عباس کو دیا ہے، اور محمود خان اچکزئی کے ہر فیصلے کی حمایت کریں گے۔

آئی ایس پی آر کے مطابق، طویل قانونی کارروائی کے بعد ملزم کو تمام الزامات میں قصوروار قرار دیا گیا اور سزا 11 دسمبر 2025 سے شروع ہوگی۔

وزیر اعلیٰ نے کہا کہ عدالتی احکامات کے باوجود ملاقات کی اجازت نہیں دی جا رہی اور بانی پی ٹی آئی کی بہنوں کے ساتھ پیش آنے والا واقعہ وزیراعلیٰ پنجاب کے احکامات پر ہوا۔

سہیل آفریدی نے مزید کہا کہ حکومت کی کارکردگی کے باعث نوجوان ملک چھوڑ رہے ہیں اور مائنس بانی پی ٹی آئی کا تجربہ ناکام ہو چکا ہے۔