دبئی: (رائیٹ ناوٴ نیوز) دسمبر میں دفاتر کی کام کی رفتار میں کمی کے باوجود، یو اے ای میں نوکریوں کے مواقع بڑھ جاتے ہیں۔ پروفشنلز کا کہنا ہے کہ یہ مہینہ بھرتیوں کے لیے سنہری موقع ہوتا ہے۔

نوکری تلاش کرنے والوں کے لیے دسمبر میں کمپنیوں کی بھرتی کی رفتار بڑھ جاتی ہے، کیونکہ کمپنیاں سال کے اختتام سے پہلے بجٹ مکمل کرنے اور اہداف کے لیے ٹیمیں مضبوط بنانے کی کوشش کرتی ہیں۔ اس دوران کئی سیکٹرز جیسے رئیل اسٹیٹ، انجینئرنگ، بینکنگ، ٹیکنالوجی، ہاسپٹیلٹی اور لاجسٹکس میں ہنگامی بنیادوں پر نوکریاں دی جاتی ہیں۔

ماہرین کا کہنا ہے کہ امیدواروں کو اپنی پروفائلز اور اسکلز کو اپ ڈیٹ کرتے رہنا چاہیے، کیونکہ دسمبر میں بھرتی کرنے والوں کے پاس زیادہ وقت ہوتا ہے اور وہ پروفائلز کا بغور جائزہ لیتے ہیں۔

ایچ آر ایکسپرٹس کے مطابق، جو امیدوار تعطیلات میں بھی دستیاب رہتے ہیں، انہیں انٹرویوز کے مواقع مل جاتے ہیں، جن سے دوسرے امیدوار محروم رہ جاتے ہیں۔ جنوری میں مقابلہ زیادہ ہوتا ہے، اس لیے دسمبر کو ‘سست مہینہ’ سمجھنا غلطی ہے۔