واشنگٹن: (رائیٹ ناوٴ نیوز) شام کے صدر احمد الشرع کی امریکی سینٹ کام کے سربراہ ایڈمرل بریڈ کوپر اور دیگر فوجی حکام کے ساتھ باسکٹ بال کھیلنے کی ویڈیو وائرل ہو گئی۔ یہ ویڈیو واشنگٹن کے ایک کمپاؤنڈ میں بنائی گئی ہے جس میں شامی صدر اور امریکی فوجی حکام کو کھیلتے دیکھا جا سکتا ہے۔

شامی صدر اس وقت امریکا کے سرکاری دورے پر ہیں اور ان کی امریکی صدر ڈونلڈ ٹرمپ سے ملاقات متوقع ہے۔ ویڈیو میں امریکی سینٹرل کمانڈ کے ایڈمرل براد کوپر اور انسداد داعش اتحاد کے سربراہ بریگیڈیئر جنرل کیون لیمبرٹ بھی شامل ہیں۔

شامی عبوری حکومت کے وزیر خارجہ نے یہ ویڈیو شیئر کی ہے، جس سے ظاہر ہوتا ہے کہ حکومت اس پر فخر محسوس کر رہی ہے۔ تاہم، شامی صدر کو ماضی میں انتہا پسندی کے الزامات کا سامنا رہا ہے۔

احمد الشرع اور ان کی تنظیم پر سے پابندیاں ہٹائی جا چکی ہیں اور وہ دسمبر میں دمشق میں داخل ہو چکے ہیں۔ شامی صدر نے سعودی عرب میں امریکی صدر سے ملاقات کی اور اب واشنگٹن میں شامی-امریکی تنظیموں کے نمائندوں سے ملے ہیں۔

یہ دورہ برازیل میں کوپ 30 ماحولیاتی کانفرنس میں شرکت کے بعد ہو رہا ہے اور وائٹ ہاؤس میں امریکی صدر سے ملاقات کے لیے اہم سمجھا جا رہا ہے۔