چین: (رائیٹ ناؤ نیوز) مینز جونیئر ایشیا کپ میں پاکستان نے قازقستان کو 0-15 سے شکست دے دی۔ پول بی کے میچ میں پاکستانی ٹیم نے شاندار کھیل کا مظاہرہ کیا۔

پاکستان نے میچ کے آغاز سے ہی حریف ٹیم پر دباؤ ڈال کر گول پوسٹ پر حملے کیے۔ نتیجتاً، پاکستانی کھلاڑیوں نے 15 گول اسکور کیے۔

رانا عبدالسمیع اور رانا ولید نے 4، 4 گول کیے جبکہ ندیم خان نے 2 گول کیے۔ دیگر کھلاڑیوں نے بھی اہم کردار ادا کیا۔

پاکستان ہاکی فیڈریشن کے صدر نے ٹیم کو مبارکباد دی ہے اور آئندہ میچز کے لیے نیک خواہشات کا اظہار کیا ہے۔

یاد رہے کہ پاکستان کی ہاکی ٹیم نے حالیہ مقابلوں میں شاندار کارکردگی دکھائی ہے اور ایشیا کپ جیتنے کے لیے پرامید ہے۔