تھائی لینڈ: (رائیٹ ناؤنیوز) مٹسوبشی نے اپنی مشہور ایس یو وی پجیرو کی پانچویں جنریشن پیش کردی ہے۔ یہ گاڑی سات نشستوں والی فلیگ شپ آف روڈ ایس یو وی کے طور پر تیار کی گئی ہے۔

کمپنی کے مطابق، نئی پجیرو کو ٹرائٹن پک اپ کے مضبوط فریم پر بنایا گیا ہے۔ اس کی فروخت پہلے تھائی لینڈ میں ہوگی، جبکہ جاپان اور آسٹریلیا میں مارچ 2027 کے اختتام تک متعارف کرائی جائے گی۔

مٹسوبشی نے بتایا ہے کہ پجیرو کے جدید ڈیزائن میں ایکس فورس اور ڈیسٹی نیٹر کے عناصر شامل کیے گئے ہیں۔ اس میں چوڑی گرِل اور نمایاں وہیل آرچز دیے گئے ہیں۔

نئی پجیرو میں 2.4 لیٹر ٹربو ڈیزل انجن موجود ہے، جو 204 ہارس پاور پیدا کرتا ہے۔ اس انجن کو نئی جنریشن کے آٹھ اسپیڈ آٹومیٹک گیئر باکس کے ساتھ جوڑا گیا ہے۔

واضح رہے کہ پجیرو کی واپسی سے مٹسوبشی نے ایک مرتبہ پھر اپنے آف روڈ نام کو جدید شکل میں پیش کیا ہے۔ اس کی اصل کارکردگی عالمی مارکیٹوں میں فروخت کے بعد ہی معلوم ہوگی۔