پشاور: (رائیٹ ناؤنیوز) پاکستانی مارشل آرٹسٹ عرفان محسود نے پنچز کا عالمی ریکارڈ قائم کر دیا ہے۔ انہوں نے ایک منٹ میں 10 کلو وزن کے ساتھ 38 فل ایکسٹنشن پنچز کر کے یہ ریکارڈ اپنے نام کیا۔ گنیز ورلڈ ریکارڈ نے 30 پنچز کا ہدف مقرر کیا تھا۔

عرفان محسود نے جیونیوز سے گفتگو میں کہا کہ انہوں نے پش اپس کیٹیگری میں عالمی سطح پر 70 سے زائد ریکارڈز قائم کیے ہیں۔ ان کے ریکارڈز میں 100، 80، 60 اور 40 پاؤنڈ وزن کے ساتھ کارنامے شامل ہیں۔

مزید براں، عرفان محسود نے بتایا کہ انہوں نے امریکا، انڈیا اور جرمنی سمیت دیگر 20 ممالک کے ورلڈ ریکارڈز بھی توڑے ہیں۔

یہ کامیابی پاکستان کے لئے فخر کا باعث ہے اور مارشل آرٹس کے میدان میں ان کی مہارت کی تصدیق کرتی ہے۔

واضح رہے کہ عرفان محسود عالمی سطح پر اپنی مہارت اور قابلیت کی بناء پر کئی ریکارڈز اپنے نام کر چکے ہیں۔