واشنگٹن ڈی سی: (رائیٹ ناوٴ نیوز) ٹرمپ انتظامیہ نے 2025 میں 85 ہزار ویزے منسوخ کیے ہیں، جو گزشتہ سال کے مقابلے میں دگنے سے بھی زیادہ ہیں۔ ان میں زیادہ تر اسٹوڈنٹ ویزے شامل ہیں جو آٹھ ہزار سے تجاوز کر چکے ہیں۔ یہ منسوخیاں تارکین وطن کو ہدف بنانے اور امریکہ میں داخلے کو سخت کرنے کی حکومتی مہم کا حصہ ہیں۔

وزارتِ خارجہ کے مطابق، ویزے کی منسوخیاں جرائم، ویزے کی مدت ختم ہونے اور دہشت گردی کی حمایت کے الزامات کی وجہ سے ہوئیں۔ ٹرمپ انتظامیہ نے احتجاج کرنے والے غیر ملکی طلبہ کو خاص طور پر نشانہ بنایا۔

وزارتِ خارجہ نے ان طلبہ کے ویزے بھی منسوخ کیے جن پر چارلی کرک کی موت پر خوشی منانے کا شک تھا۔ حکومت نے 55 ملین سے زائد ویزا رکھنے والوں کی نگرانی کا عمل بھی نافذ کیا ہے۔

ویزہ درخواست دہندگان کی جانچ سخت کر دی گئی ہے، ہنر مند افراد کے ‘ایچ۔ون بی’ ویزوں کی منظوری کے دوران آن لائن مواد کو سنبھالنے والے افراد کی جانچ کی جارہی ہے۔

وزارتِ خارجہ نے یو ایس ایمبیسیز کو ہدایت دی ہے کہ اسٹوڈنٹ ویزہ کی جانچ میں سوشل میڈیا پروفائلز کا تجزیہ کریں۔ محکمہ برائے داخلی سلامتی نے تارکین وطن کی گرفتاری اور بے دخلی کی مہم شروع کر رکھی ہے۔

امریکہ نے 19 ممالک سے سفر پر پابندی عائد کی ہے اور 30 سے 32 ممالک کو پابندی کی فہرست میں شامل کرنے کا انکشاف کیا ہے۔ یہ اقدامات ملکی اور غیر ملکی سطح پر بحث کا باعث بن رہے ہیں۔