لاہور: (رائیٹ ناؤ نیوز) وزیر اعلیٰ پنجاب مریم نواز نے مخالف سیاسی جماعتوں پر دنگا فساد اور سسٹم کے نام پر کرپشن کا الزام لگایا ہے۔ انہوں نے کہا کہ اگر یہ جماعتیں مسلم لیگ (ن) کی طرح کام کرتیں تو ملک ترقی کر رہا ہوتا۔

مریم نواز نے جناح انسٹی ٹیوٹ آف کارڈیولوجی کی افتتاحی تقریب میں کہا کہ سیاسی جماعتوں کا زیادہ تر توجہ مسلم لیگ (ن) پر ہے، جبکہ انہیں عوامی خدمت پر توجہ دینی چاہیے۔ انہوں نے مزید کہا کہ مسلم لیگ (ن) کا مزاج خدمت اور ترقی ہے۔

وزیر اعلیٰ نے پاکستان کے پہلے ہارٹ ٹراسپلانٹ سینٹر کے افتتاح کا اعلان کیا اور صوبے میں ہوم ڈائیلاسز منصوبے پر کام کا بھی ذکر کیا۔ انہوں نے کہا کہ جناح انسٹی ٹیوٹ آف کارڈیولوجی اب فعال ہوچکا ہے اور ملک بھر سے مریض یہاں علاج کے لیے آسکتے ہیں۔

مریم نواز نے کہا کہ بااختیار لوگوں کو عوام کی خدمت کے لیے چنا گیا ہے، اور روزانہ عوامی فلاح کے لیے فیصلے کرنا ان کی ذمہ داری ہے۔ انہوں نے کہا کہ پنجاب میں مفت علاج اور دوائیاں فراہم کی جا رہی ہیں۔

واضح رہے کہ مریم نواز نے سرکاری اسپتالوں کے نظام کو مزید بہتر بنانے کی کوششوں کا بھی ذکر کیا۔ انہوں نے کہا کہ اسپتالوں میں لوگوں سے پیسے لیے جا رہے ہیں، جسے بہتر بنایا جا رہا ہے۔