اسلام آباد: (رائیٹ ناؤنیوز) وزیر خزانہ و خارجہ اسحاق ڈار نے مکہ مشترکہ دفاعی معاہدے کی وضاحت کی ہے۔ انہوں نے کہا کہ یہ معاہدہ کسی ملک کے خلاف نہیں بلکہ خطے میں امن و استحکام کے لیے ہے۔

اسحاق ڈار نے ایکس پر بیان دیا کہ مکہ معاہدہ پاکستان، سعودی عرب اور ترکیہ کے درمیان ہوا۔ یہ تینوں ممالک کے عوام کے برادرانہ تعلقات کی عکاسی کرتا ہے۔

ان کے مطابق معاہدہ برسوں کی کوششوں کا نتیجہ ہے جو خطے میں امن و استحکام کو بڑھانے کے لیے کیا گیا۔ یہ کسی دوطرفہ یا کثیرالجہتی معاہدے کو ختم نہیں کرتا۔

بیان میں کہا گیا کہ کسی ملک پر حملہ سب پر حملہ تصور ہوگا، جو اقوام متحدہ کے چارٹر سے مطابقت رکھتا ہے۔ معاہدہ خطے کے دیگر ممالک کے لیے بھی کھلا ہے۔

واضح رہے کہ ترکیہ نے مصر کے شامل ہونے کا عندیہ دیا ہے۔ اس معاہدے کا مقصد خطے کے برادر ممالک کے ساتھ دیرپا امن کے لیے قریبی تعاون ہے۔ پاکستان تمام تنازعات کے پرامن حل کے لیے پرعزم ہے۔