لاہور: (رائیٹ ناؤ نیوز) اداکارہ عروبہ مرزا نے رکن پنجاب اسمبلی ثاقب چدھڑ پر ناپسندیدہ پیغامات بھیجنے کا الزام عائد کیا ہے۔ انہوں نے سوشل میڈیا پر مبینہ انسٹاگرام چیٹس کے اسکرین شاٹس شیئر کیے ہیں۔

عروبہ مرزا نے اپنی انسٹاگرام اسٹوری میں ثاقب چدھڑ سے منسوب چیٹس کے اسکرین شاٹس شیئر کیے۔ ان میں متعدد بار رابطے اور اسنیپ چیٹ پر گفتگو کی درخواستوں کا دعویٰ کیا گیا ہے۔

اداکارہ نے کہا کہ مومنہ اقبال اور طوبیٰ انور کے بعد اب میں بھی نشانہ بنی ہوں۔ ثاقب چدھڑ پر مومنہ اقبال کے الزامات کے تحت پیکا کے تحت مقدمہ درج ہے۔

یہ معاملہ نیشنل سائبر کرائم انویسٹی گیشن ایجنسی دیکھ رہی ہے۔ حال ہی میں طوبیٰ انور نے بھی ثاقب چدھڑ پر آئی فون دینے کی پیشکش کا الزام عائد کیا تھا۔

یاد رہے کہ ثاقب چدھڑ کی جانب سے عروبہ مرزا کے تازہ الزامات پر تاحال کوئی باضابطہ مؤقف سامنے نہیں آیا۔