مظفرآباد: (رائیٹ ناؤ نیوز) آزاد کشمیر پولیس نے دعویٰ کیا ہے کہ احتجاج میں فتنہ الخوارج کے لوگ شامل ہیں، جو دہشت گردی کر رہے ہیں۔ پولیس کے مطابق یہ افراد مسلح ہو کر پولیس پر حملے کر رہے ہیں۔

ترجمان پولیس ایس ایس پی محمد ریاض مغل نے نیوز کانفرنس میں بتایا کہ احتجاجی تحریک کے دوران پولیس افسران پر حملے کیے گئے، جس میں ایک سب انسپکٹر شہید ہوا۔

انہوں نے کہا کہ احتجاج میں شامل افراد نے پولیس پر خنجر اور اسلحہ سے حملے کیے، جس کے نتیجے میں 350 سے زائد افسران زخمی ہوئے۔

واضح رہے کہ اس احتجاجی تحریک کا آغاز 11 مئی 2024 کو ہوا تھا، جس میں دہشت گردوں کے روپ دھارے افراد شامل تھے۔

پولیس نے کہا کہ مظاہرین کے پاس اسلحہ ہونے کی وجہ سے علاقے کے عوام میں خوف کا ماحول ہے۔