چونیاں: (رائیٹ ناؤ نیوز) چونیاں میں زہریلا کھانا کھانے سے دو لڑکیاں جاں بحق ہوگئیں جبکہ ان کے والدین کی حالت تشویشناک بتائی جا رہی ہے۔ ریسکیو ذرائع کا کہنا ہے کہ اہلخانہ نے گھر میں پکایا ہوا کھانا کھایا تھا جس کے بعد چاروں کی طبیعت بگڑ گئی۔ ریسکیو ٹیموں نے متاثرہ افراد کو تشویشناک حالت میں لاہور کے اسپتال منتقل کیا، جہاں 20 سالہ عمارہ اور 13 سالہ تحریم جانبر نہ ہو سکیں۔ لڑکیوں کے والد محمود اور والدہ شاہدہ بی بی تاحال تشویشناک حالت میں زیر علاج ہیں۔ جاں بحق ہونے والی لڑکیوں کی لاشیں آبائی گاؤں ارجن سنگھ منتقل کی گئی ہیں۔ واضح رہے کہ زہریلا کھانا کھانے کے واقعات میں اضافہ دیکھا جا رہا ہے، جو عوام کی صحت کے لئے خطرناک ثابت ہو سکتا ہے۔