راولپنڈی: (رائیٹ ناؤ نیوز) چیئرمین پاکستان تحریک انصاف بیرسٹر گوہر نے اڈیالہ جیل کے قریب میڈیا سے گفتگو میں کہا کہ کشمیر پاکستان کی شہ رگ ہے۔ انہوں نے واضح کیا کہ کشمیر لاہور اور کشمور نہیں بنے گا۔

بیرسٹر گوہر نے بتایا کہ آزاد کشمیر کے الیکشن کا بائیکاٹ کیا گیا تھا۔ ان کا کہنا تھا کہ ملک کی ترقی کے لئے فری اینڈ فیئر الیکشن ضروری ہیں۔

انہوں نے دونوں بڑی سیاسی جماعتوں کو حالات بگاڑنے کا ذمہ دار ٹھہرایا۔ بیرسٹر گوہر نے کہا کہ سیاست اور پوائنٹ اسکورنگ سے گریز کرنا چاہیے۔

چیئرمین پی ٹی آئی نے نورین بی بی کے خلاف مقدمے کا ذکر کیا۔ ان کا کہنا تھا کہ ایسے پرچے درج کرنے سے حالات بہتر نہیں ہوتے، نورین نیازی کا بیان ذاتی ہے۔

یاد رہے کہ بیرسٹر گوہر نے بانی پی ٹی آئی سے ملاقات کو بہتری کی کنجی قرار دیا ہے۔