واشنگٹن: (رائیٹ ناؤ نیوز) امریکی ایوان نمائندگان نے 1.15 ٹریلین ڈالر مالیت کا دفاعی بجٹ منظور کرلیا۔ یہ اقدام ایران کے ساتھ بڑھتے ہوئے تنازع کے پیش نظر کیا گیا ہے۔

امریکی میڈیا کے مطابق بل کو 212 کے مقابلے میں 216 ووٹوں سے منظور کیا گیا۔ بجٹ میں اسرائیل سے دفاعی تعلقات کو مضبوط بنانے کی شق شامل ہے۔

ری پبلکنز کی اکثریت اور 6 ڈیموکریٹس نے بل کی حمایت کی ہے۔ وزیرِ جنگ پینٹاگون کے ایگزیکٹیو ایجنٹ کو نامزد کریں گے۔

رکن کانگریس تھامس میسی نے کہا ہے کہ فوجی ٹیکنالوجی اور سپلائی چین کو اسرائیل سے ضم نہیں کرنا چاہیے۔

واضح رہے کہ گزشتہ روز ٹرمپ انتظامیہ نے ایران کے تنازع کے لیے کانگریس سے 87 ارب ڈالر فنڈز کی درخواست کی تھی۔