میڈرڈ: (رائیٹ ناؤ نیوز) فیفا ورلڈ کپ 2026 کی تاریخی فتح کے بعد سپین بھر میں جشن کا سماں ہے۔ دارالحکومت میڈرڈ سمیت مختلف شہروں میں عوام سڑکوں پر نکل آئی۔

ہزاروں شائقین گرمی اور رات کے وقت کی پرواہ کیے بغیر عوامی مقامات پر جمع ہو گئے۔ درجہ حرارت 32 ڈگری سینٹی گریڈ کے باوجود شائقین بڑے اسکرینوں کے سامنے موجود رہے۔

پلازا ڈی کولون میں سب سے بڑا مجمع جمع ہوا، جہاں شائقین نے فائنل کا ہر لمحہ دیکھا۔ فیران ٹوریس کے فیصلہ کن گول نے میچ کا رخ بدل دیا۔

گول ہوتے ہی پورا منظر جشن میں بدل گیا، آتش بازی، تالیوں اور خوشی کے نعروں سے فضا گونج اٹھی۔ سپین کا ایک اور گول مسترد ہونے کے باوجود فتح یقینی ہو چکی تھی۔

یاد رہے کہ سپین نے برسوں بعد ورلڈ کپ جیتا، جس نے پورے ملک کو فٹبال کے رنگ میں رنگ دیا۔ جشن نے ثابت کیا کہ یہ فتح سپین کے لیے قومی تہوار سے کم نہیں تھی۔