تل ابیب: (رائیٹ ناوٴ نیوز) اسرائیلی کابینہ نے 2026 کے بجٹ میں افواج کے لیے 35 ارب ڈالر مختص کیے ہیں، جو کہ مجوزہ 28 ارب ڈالر کے مقابلے میں 25 فیصد زیادہ ہیں۔ اس بجٹ کی پارلیمنٹ میں ووٹنگ کی جائے گی، جہاں نیتن یاہو حکومت کو سیاسی مشکلات کا سامنا ہے۔ اسرائیلی قانون کے مطابق مارچ سے قبل بجٹ کی منظوری ضروری ہے، ورنہ نئے انتخابات کا سامنا کرنا پڑے گا۔

گزشتہ دو سالوں میں غزہ جنگ اور مذہبی جماعتوں کے مطالبات پر حکمراں اتحاد میں شدید اختلافات پیدا ہوئے ہیں۔ غزہ میں جاری فوجی کارروائیوں کے دوران عام شہریوں کی ہلاکتوں پر اقوام متحدہ کے سیکرٹری جنرل نے تشویش کا اظہار کیا ہے، جبکہ اسرائیلی وزیردفاع نے کارروائیاں جاری رکھنے کی ہٹ دھرمی برقرار رکھی۔