برازیلیا: (رائیٹ ناؤ نیوز) برازیل کے جوڑے ریناٹو اور نائرا نے 30 سیکنڈ میں 195 بوسے دے کر نیا عالمی ریکارڈ قائم کیا ہے۔ یہ واقعہ انٹرنیشنل کسنگ ڈے کے موقع پر پیش آیا اور گنیز بک آف ورلڈ ریکارڈز میں درج ہوا۔

ریناٹو اور نائرا دونوں ڈاکٹر ہیں اور کورونا وائرس کے دوران مریضوں کی زندگیاں بچاتے رہے ہیں۔ ان کا ماننا ہے کہ وہ دنیا کا بہترین جوڑا ہیں، اسی لیے انہوں نے یہ چیلنج قبول کیا۔

گنیز ریکارڈ کی ویڈیو میں دیکھا جا سکتا ہے کہ ریناٹو نے اپنی پسندیدہ ٹیم کی جرسی پہن رکھی ہے اور نائرا کے گال پر تیزی سے بوسے دے رہے ہیں۔ پورا چیلنج خوشگوار ماحول میں مکمل ہوا۔

یہ ریکارڈ ریناٹو کے پرانے شوق کی عکاسی کرتا ہے، جو پہلے بھی مختلف ریکارڈز بنا چکے ہیں۔ ان کا کہنا ہے کہ وہ برازیل کا سب سے زیادہ عالمی ریکارڈز رکھنے والا شخص بننا چاہتے ہیں۔

واضح رہے کہ ریناٹو اور نائرا اب جاپان کے جوڑے کا ریکارڈ توڑنے کی تیاری کر رہے ہیں، جنہوں نے ایک منٹ میں 277 بوسے دیے تھے۔