واشنگٹن: (رائیٹ ناوٴ نیوز) امریکی محکمہ دفاع پینٹاگون نے ‘قاتل اے آئی’ سسٹم کی خریداری کی کوشش کی ہے، جسے براہِ راست جنگی مقاصد میں استعمال کیا جا سکتا ہے۔ اس اقدام پر امریکی کمپنی اینتھروپک کی مخالفت سامنے آئی ہے، جس کے مطابق ان کے اے آئی ماڈلز کو جنگی یا نگرانی کے مقاصد کے لیے استعمال نہیں کیا جا سکتا۔

پینٹاگون نے مبینہ طور پر اینتھروپک کی اجازت کے بغیر نظام استعمال کیا اور غیر اخلاقی ورژن تک رسائی کی درخواست کی، جس پر کمپنی نے انکار کیا۔ امریکی وزیر دفاع نے کمپنی پر تنقید کرتے ہوئے اسے سپلائی چین کے لیے خطرہ قرار دیا۔

ماہرین کے مطابق یہ تنازع ٹیکنالوجی اور اخلاقیات کے درمیان بڑھتی خلیج کی نشاندہی کرتا ہے۔ اے آئی کو مکمل آزادی دینے کے نقصانات ناقابل واپسی ہو سکتے ہیں۔

پینٹاگون نے دیگر ٹیک کمپنیوں، بشمول گوگل سے فوجی مقاصد کے لیے پابندیاں نرم کرنے کی درخواست کی۔ عالمی سطح پر اے آئی کو فوجی حکمت عملی میں شامل کرنے کی کوششیں جاری ہیں، لیکن انسانی کنٹرول برقرار رکھنے کا سوال ہے۔

ماہرین کہتے ہیں کہ ٹیکنالوجی کو واضح اخلاقی اور قانونی حدود کے اندر استعمال کرنا ضروری ہے، ورنہ ‘کِلر اے آئی’ حقیقت بن سکتا ہے۔