کراچی: (رائیٹ ناوٴ نیوز) ابھرتی ہوئی ماڈل ماہ نور رحیم نے پروڈیوسر عمر مختار پر جنسی ہراسانی کے الزامات عائد کیے، جس کے بعد دونوں قانونی جنگ میں ملوث ہو گئے ہیں۔

ماہ نور نے عمر مختار کو قانونی نوٹس بھجوایا ہے، جس سے شوبز انڈسٹری میں جنسی جرائم پر بحث چھڑ گئی ہے۔ اس سے قبل ماہ نور کی ایک ویڈیو وائرل ہوئی تھی جس میں انہوں نے ہراسانی کے الزامات لگائے تھے۔

اگرچہ ماہ نور نے ویڈیو میں کسی کا نام نہیں لیا، لیکن کئی سوشل میڈیا صارفین نے اندازہ لگایا کہ ان کا اشارہ عمر مختار کی طرف ہے۔ اس کے بعد مزید خواتین نے بھی ماہ نور کے حق میں آواز اٹھائی۔

عمر مختار نے ماہ نور کو ہتک عزت کا نوٹس بھجوایا، جس کے جواب میں ماہ نور نے کہا کہ ان کے بیانات سچ پر مبنی ہیں اور وہ کسی دباؤ میں نہیں آئیں گی۔