لاہور: (رائیٹ ناوٴ نیوز) واٹس ایپ نے اپنے ویب ورژن پر آڈیو اور ویڈیو کالز کی سہولت فراہم کر دی ہے۔ میٹا نے اس فیچر کو متعارف کر کے صارفین کو براہ راست ویب براؤزر کے ذریعے کالز کرنے کی سہولت دی ہے۔

اس سے پہلے، واٹس ایپ پر کالز صرف موبائل یا کمپیوٹر ایپس کے ذریعے ہی ممکن تھیں، لیکن اب یہ فیچر ویب ورژن میں بھی دستیاب ہوگا۔ فی الحال، یہ سہولت صرف ون آن ون چیٹس کے لیے ہے۔ صارفین کسی چیٹ میں کال بٹن پر کلک کر کے آڈیو یا ویڈیو کال کر سکتے ہیں۔

واٹس ایپ نے یہ بھی بتایا ہے کہ ویب ورژن کی کالز اینڈ ٹو اینڈ انکرپشن کے ذریعے محفوظ ہوں گی اور اس کے لئے سگنل پروٹوکول استعمال ہوگا۔ اس کے علاوہ، ویب ورژن میں اسکرین شیئرنگ کی سہولت بھی دستیاب ہوگی۔