نیویارک: (رائیٹ ناوٴ نیوز) نئی طبی تحقیق کے مطابق فضائی آلودگی کی زد میں رہنے والے افراد میں الزائمر امراض کا خطرہ نمایاں حد تک بڑھ جاتا ہے۔ یہ تحقیق جرنل پلوس میڈیسن میں شائع ہوئی، جس میں 65 سال یا اس سے زائد عمر کے ڈھائی کروڑ سے زائد افراد کے ڈیٹا کا تجزیہ کیا گیا۔

تحقیق میں پایا گیا کہ زیادہ آلودہ علاقوں میں رہنے والے افراد میں الزائمر امراض کا خطرہ بڑھتا ہے، خاص طور پر وہ افراد جو ماضی میں فالج کا سامنا کر چکے ہیں۔ ہائی بلڈ پریشر اور ڈپریشن بھی معمولی اثرات مرتب کرتے ہیں۔

تحقیق میں مزید بتایا گیا کہ فضائی آلودگی براہ راست الزائمر امراض کے خطرے کو بڑھانے میں کردار ادا کرتی ہے۔ فضائی معیار کو بہتر بنا کر دماغی امراض کے پھیلاؤ کو روکا جا سکتا ہے۔