پشاور: (رائیٹ ناوٴ نیوز) خیبر پختونخوا کے معاون خصوصی برائے اطلاعات شفیع جان نے کہا ہے کہ جیل سپرنٹنڈنٹ کی طاقت وزیر اعلیٰ کو عمران خان سے ملاقات سے روک رہی ہے۔ شفیع جان نے بتایا کہ وزیر اعلیٰ سہیل آفریدی نے کہا کہ خیبر پختونخوا میں وفاق گورنر راج لگانا چاہتا ہے تو لگا لے۔

انہوں نے فیض اور نیازی کے درمیان گٹھ جوڑ کے شواہد کا ذکر کرتے ہوئے کہا کہ تحقیقات میں مزید پیش رفت ہوگی۔

شفیع جان نے سوال اٹھایا کہ خیبر پختونخوا میں کس بنیاد پر گورنر راج لگایا جا سکتا ہے؟ انہوں نے بتایا کہ وزیر اعلیٰ سہیل آفریدی کی عمران خان سے ملاقات نہیں ہو رہی۔

شفیع جان نے کہا کہ جیل سپرنٹنڈنٹ وزیر اعلیٰ کی ملاقات میں رکاوٹ ڈال رہے ہیں اور نہ آئین و عدلیہ کے احکامات کو مانتے ہیں۔

انہوں نے کہا کہ تحریک کی ذمے داری محمود اچکزئی اور علامہ ناصر عباس کو دی گئی ہے اور بانیٔ پی ٹی آئی کے بیٹوں نے جنوری میں پاکستان آنے کا عندیہ دیا ہے۔