سڈنی: (رائیٹ ناوٴ نیوز) آسٹریلیا کے وزیراعظم انتھونی البانیز سڈنی حملے میں بہادری کا مظاہرہ کرنے والے احمد ال احمد کی عیادت کے لیے اسپتال پہنچے اور ان کا شکریہ ادا کیا۔

آسٹریلوی وزیراعظم نے احمد کی خیریت دریافت کی اور قوم کی جانب سے ان کی بہادری کو سراہا۔ خیال رہے کہ دو روز قبل سڈنی کے بونڈی بیچ پر فائرنگ کے واقعے میں 16 افراد ہلاک اور 40 زخمی ہوئے تھے۔

واقعے کے بعد سوشل میڈیا پر وائرل ویڈیوز میں احمد کو حملہ آور پر قابو پاتے دیکھا جا سکتا ہے۔ پولیس نے واقعے کو دہشت گردی قرار دیا اور حملہ آوروں میں سے ایک کو حراست میں لیا جبکہ دوسرا ہلاک ہوا۔

آسٹریلوی میڈیا کے مطابق احمد ال احمد، جو سڈنی میں پھل فروخت کرتے ہیں، نے اپنی جان پر کھیل کر ایک حملہ آور کا اسلحہ چھین کر کئی لوگوں کی جانیں بچائیں۔ احمد کو بازو پر گولیاں لگیں لیکن ان کی حالت خطرے سے باہر ہے۔

امریکی صدر ٹرمپ نے بھی احمد کی بہادری کی تعریف کی۔ بھارتی میڈیا کے مطابق حملہ آور ساجد اکرم 1998 میں حیدرآباد سے آسٹریلیا منتقل ہوا تھا۔