اسلام آباد: (رائیٹ ناؤ نیوز) ملک میں ہفتہ وار مہنگائی میں اضافے کا سلسلہ جاری ہے۔ ادارہ شماریات کے مطابق سالانہ شرح مہنگائی 9.04 فیصد تک پہنچ گئی ہے۔

گزشتہ ہفتے کے دوران مہنگائی میں 0.5 فیصد اضافہ ہوا۔ 20 اشیائے ضروریہ کی قیمتوں میں اضافہ ہوا، جن میں دال چنا، گندم کا آٹا، انڈے اور چائے شامل ہیں۔

ایل پی جی کی قیمت 3.46 فیصد، بجلی 2.04 فیصد، ڈیزل 2.44 فیصد اور پیٹرول 1.7 فیصد بڑھ گیا۔

سالانہ بنیاد پر پیاز کی قیمت 126 فیصد، آٹا 45 فیصد اور ٹماٹر 37 فیصد تک مہنگے ہو گئے۔ زیرجائزہ عرصے میں 11 اشیا سستی بھی ہوئیں۔

یاد رہے کہ مہنگائی سے عام آدمی کی زندگی متاثر ہو رہی ہے۔ حکومت نے قیمتوں میں استحکام کے لیے اقدامات کا اعلان کیا ہے۔