اسلام آباد: (رائیٹ ناؤ نیوز) پاکستان میں پیٹرول 343 روپے 10 پیسے اور ڈیزل 371 روپے 80 پیسے فی لیٹر فروخت ہو رہا ہے۔ وفاقی حکومت نے 26 اور 27 اگست کے لیے پیٹرول کی قیمت میں 1 روپے 12 پیسے اور ڈیزل کی قیمت میں 1 روپے 11 پیسے اضافے کا اعلان کیا تھا۔

حکام کے مطابق 17 جولائی سے اب تک پیٹرول کی قیمت میں 15 مرتبہ اضافہ اور 10 مرتبہ کمی کی گئی ہے۔ ہائی اسپیڈ ڈیزل کی قیمت میں 18 مرتبہ اضافہ اور 7 مرتبہ کمی ریکارڈ کی گئی ہے۔

موجودہ صورتحال میں حکومت نے پیٹرولیم مصنوعات کی قیمتوں کا روزانہ کی بنیاد پر تعین کا فیصلہ کیا ہے۔ ہفتہ اور اتوار کو قیمتوں میں کوئی تبدیلی نہیں کی جاتی۔

یہ فیصلہ مشرق وسطیٰ کی موجودہ صورت حال کے باعث کیا گیا ہے، جس سے پیٹرولیم مصنوعات کی قیمتوں میں عدم استحکام پیدا ہوا ہے۔

یاد رہے کہ عالمی منڈی میں تیل کی قیمتوں میں اتار چڑھاؤ اور ملکی معیشت پر دباؤ کی وجہ سے حکومت کو یہ اقدامات اٹھانے پڑے۔