لندن: (رائیٹ ناؤ نیوز) لارڈز ٹیسٹ میں پہلے دن انگلینڈ نے 9 وکٹوں پر 248 رنز بنائے۔ خراب موسم کی وجہ سے صرف 56 اوورز کا کھیل ہوسکا۔

خراب موسم کے باعث میچ تاخیر سے شروع ہوا۔ پاکستان نے ٹاس جیت کر فیلڈنگ کا فیصلہ کیا۔ محمد عباس نے ابتدائی اوورز میں تین اہم وکٹیں حاصل کیں۔

ہیری بروک نے 15 رنز بنائے جبکہ ڈین لارنس 17 رنز پر رن آؤٹ ہوئے۔ جیمی اسمتھ نے 61 رنز کی اننگز کھیلی، جبکہ جارڈن کاکس 55 رنز بناکر آؤٹ ہوئے۔

وقفے وقفے سے ہونے والی بارش اور خراب روشنی نے کھیل کو متاثر کیا۔ میچ کے اختتام پر گس ایٹکنسن 34 اور جوش ٹنگ ایک رنز پر ناٹ آؤٹ تھے۔

یاد رہے کہ محمد عباس نے شاندار بولنگ کرتے ہوئے 4 وکٹیں حاصل کیں۔ محمد علی نے تین اور خرم شہزاد نے ایک وکٹ حاصل کی۔