ڈنمارک: (رائیٹ ناؤنیوز) آج کے دور میں بانجھ پن کا مسئلہ تیزی سے بڑھ رہا ہے، خاص طور پر مردوں میں۔ سائنسدانوں نے مردوں میں بانجھ پن کی ایک بڑی وجہ جسمانی چربی کے اضافے کو قرار دیا ہے۔

ڈنمارک کی ایک طبی تحقیق میں بتایا گیا کہ جسمانی چربی بڑھنے سے مردوں کی تولیدی صحت متاثر ہوتی ہے۔ یہ تحقیق اراہوس یونیورسٹی نے کی، جس میں 1058 مرد شامل تھے۔

تحقیق کے مطابق، جسمانی چربی میں اضافے سے اسپرم کاؤنٹ میں 23 فیصد تک کی کمی آتی ہے۔ زیادہ چربی کے باعث امراض قلب اور ذیابیطس کا خطرہ بھی بڑھ جاتا ہے۔

یہ تحقیق جرنل ہیومین ری پروڈکشن میں شائع ہوئی، جس میں بتایا گیا کہ صحت مند جسمانی وزن تولیدی صحت کے لیے ضروری ہے۔ محققین نے جسمانی چربی کو کم رکھنے کی اہمیت پر زور دیا۔

واضح رہے کہ عالمی ادارہ صحت کے مطابق دنیا بھر میں 17.5 فیصد بالغ آبادی کو کسی نہ کسی مرحلے پر بانجھ پن کا سامنا ہوتا ہے۔ یہ مسئلہ ہر خطے کے لیے ایک سنگین طبی چیلنج ہے۔