اسلام آباد: (رائیٹ ناؤ نیوز) ائیرفورس کے بہادر گروپ کیپٹن عاصم خاتون کو بچاتے ہوئے اسلام آباد کے نائنتھ ایوینیو پر شہید ہوگئے۔ واقعے کے دوران موٹرسائیکل پر سوار شخص نے خاتون کا ہاتھ کھینچنے کی کوشش کی۔

گروپ کیپٹن عاصم نے موٹرسائیکل کے قریب جاکر مداخلت کی، جس پر خاتون محفوظ مقام پر بھاگ گئیں۔ مبینہ ملزم نے گروپ کیپٹن عاصم پر فائرنگ کی، جس سے وہ شدید زخمی ہوئے۔

گروپ کیپٹن عاصم زخموں کی تاب نہ لاتے ہوئے شہید ہوگئے جبکہ ملزم موقع سے فرار ہوگیا۔ خاتون نے بتایا کہ ملزم ان کا دفتری ساتھی ہے اور اسے کہیں اور لے جانا چاہتا تھا۔

وزیر داخلہ محسن نقوی نے اس واقعے پر گہرے افسوس کا اظہار کیا اور گروپ کیپٹن عاصم کے اہلخانہ سے تعزیت کی۔ انہوں نے پولیس کو ملزم کی فوری گرفتاری کی ہدایت کی ہے۔

یاد رہے کہ گروپ کیپٹن عاصم نے اپنی جان کی قربانی دے کر ایک خاتون کی زندگی بچائی، ان کے سوگواران میں بیوہ، بیٹی اور بیٹا شامل ہیں۔