اسلام آباد: (رائیٹ ناؤ نیوز) ملک بھر میں آٹے کی قیمتوں میں ایک بار پھر اضافہ دیکھنے میں آیا ہے۔ 20 کلو آٹے کا تھیلا 2900 روپے تک فروخت ہو رہا ہے۔

ادارہ شماریات کی رپورٹ کے مطابق کراچی میں آٹے کی قیمت سب سے زیادہ ریکارڈ کی گئی ہے۔ یہاں 20 کلو آٹے کا تھیلا 2900 روپے میں فروخت ہو رہا ہے۔

اسلام آباد، کوئٹہ، اور خضدار میں 20 کلو آٹے کا تھیلا 2800 روپے تک پہنچ چکا ہے۔ پشاور میں یہ قیمت 2750 روپے جبکہ راولپنڈی میں 2747 روپے ہے۔

مہنگائی کے باعث عوام خصوصاً متوسط طبقہ متاثر ہو رہا ہے۔ شہریوں نے حکومت سے قیمتوں میں استحکام کے لیے اقدامات کا مطالبہ کیا ہے۔

یاد رہے کہ پاکستان میں آٹے کی قیمتوں میں اضافہ اقتصادی مسائل کے باعث اکثر دیکھنے میں آتا ہے۔ حالیہ اضافہ بھی اسی سلسلے کی کڑی ہے۔