واشنگٹن: (رائیٹ ناؤنیوز) امریکی صدر ڈونلڈ ٹرمپ نے ایران کے خلاف مزید جنگ نہ کرنے کا فیصلہ کیا ہے۔ امریکی اخبار کے مطابق ٹرمپ نے مشیروں کو آگاہ کیا ہے کہ جب تک ایران امریکی فوجیوں کو نشانہ نہیں بناتا، جنگ نہیں ہوگی۔

رپورٹ میں کہا گیا ہے کہ ٹرمپ انتظامیہ سفارتی حل کو ترجیح دے رہی ہے اور جنگ کو پھیلانا نہیں چاہتی۔ امریکی ثالثی میں اسرائیل اور لبنان کے درمیان جنگ بندی پر اتفاق ہوگیا ہے۔

واشنگٹن میں ہوئے سہ فریقی مذاکرات کے بعد جاری اعلامیہ میں کہا گیا ہے کہ اسرائیل اور لبنان نے بات چیت جاری رکھنے پر اتفاق کیا ہے۔ اگلے مذاکرات 22 جون کو ہوں گے۔

اعلامیہ کے مطابق حزب اللہ کو حملے روکنے اور جنوبی لیطانی سیکٹر خالی کرنے کی ہدایت کی گئی ہے۔ پائلٹ زونز پر لبنانی فوج کا کنٹرول ہوگا۔

واضح رہے کہ اسرائیل اور لبنان کے درمیان جنگ بندی کا فیصلہ امریکی ثالثی میں ہوا، جس میں دونوں ممالک نے سفارتی مذاکرات جاری رکھنے پر اتفاق کیا۔