اسلام آباد میں خلع کے کیسز میں تشویشناک اضافہ، روزانہ 300 سے زائد مقدمات دائر ہو رہے ہیں۔ منشیات اور بے روزگاری اس رجحان کے اہم عوامل ہیں۔
اسلام آباد: (رائیٹ ناؤ نیوز) وفاقی دارالحکومت میں خلع کے کیسز میں تیزی سے اضافہ ہو رہا ہے۔ وکلاء کے مطابق منشیات اور بے روزگاری اس رجحان کے اہم عوامل ہیں۔
فیملی کورٹس میں دائر مقدمات کی تعداد میں خطرناک حد تک اضافہ دیکھنے میں آیا ہے۔ روزانہ 300 سے زائد مقدمات دائر ہو رہے ہیں۔
ذرائع نے بتایا ہے کہ فیملی کورٹس میں خلع اور نان نفقہ کے اوسطاً 38 کیسز فی گھنٹہ دائر کیے جا رہے ہیں۔
یہ اضافہ معاشرتی مسائل اور فیملی سسٹم کے لئے تشویشناک ہے۔ اس کے اثرات خاندانوں پر گہرے ہو سکتے ہیں۔
یاد رہے کہ وفاقی دارالحکومت میں ہر ماہ 9 ہزار سے زائد نئے کیسز کا اندراج ہو رہا ہے، جبکہ امسال خلع کے کیسز کی تعداد 45 ہزار سے تجاوز کر چکی ہے۔
