واشنگٹن: (رائیٹ ناوٴ نیوز)۔ امریکی حکومت نے چین پر مصنوعی ذہانت (AI) ٹیکنالوجی کی چوری کا الزام عائد کیا ہے۔ امریکی صدر کے معاون مائیکل کراٹسیوس نے رپورٹ میں دعویٰ کیا کہ چینی ادارے ہزاروں جعلی اکاؤنٹس کے ذریعے امریکی AI ماڈلز تک رسائی کی کوشش کر رہے ہیں۔

رپورٹ میں کہا گیا کہ چین کے ادارے پراکسی اکاؤنٹس استعمال کرکے امریکی مصنوعی ذہانت کے نظام میں داخل ہونے کی کوشش کرتے ہیں۔ یہ عناصر امریکی AI ماڈلز سے حساس معلومات حاصل کرنے کی کوشش کر رہے ہیں۔

امریکی حکام کے مطابق یہ سرگرمیاں منظم مہم کی صورت میں ہورہی ہیں، جن کا مقصد امریکی ٹیکنالوجی کی صلاحیتوں سے فائدہ اٹھانا ہے۔ امریکی حکومت مصنوعی ذہانت کے شعبے میں عالمی قیادت رکھتی ہے۔

یہ ٹیکنالوجی دہائیوں کی تحقیق اور نجی سرمایہ کاری کا نتیجہ ہے، جس نے معیشت اور سلامتی میں اہم کردار ادا کیا ہے۔ امریکا نے ٹیکنالوجی اور تحقیق کے تحفظ کے لیے بھی اقدامات کیے ہیں۔

واضح رہے کہ مصنوعی ذہانت کے اہم سسٹمز کا تحفظ انتہائی ضروری ہے تاکہ ان کی درستی اور سیکیورٹی برقرار رہ سکے۔ امریکی حکومت اس ضمن میں اقدامات جاری رکھے گی۔