سعودی وزارت حج نے عمرہ ویزا ہولڈرز کو 18 اپریل تک سعودی عرب چھوڑنے کی ہدایت کی ہے، خلاف ورزی پر قید و جرمانہ ہوگا۔
ریاض: (رائیٹ ناوٴ نیوز) سعودی وزارت حج و عمرہ نے عمرہ ویزا ہولڈرز کو 18 اپریل تک سعودی عرب چھوڑنے کا حکم دیا ہے۔ یہ فیصلہ عمرہ ویزے کی میعاد کی پابندی کے تحت کیا گیا ہے۔
وزارت نے واضح کیا ہے کہ تمام عمرہ زائرین کو ویزے کی میعاد ختم ہونے سے پہلے مملکت سے روانہ ہونا ضروری ہے۔ وزارت نے خبردار کیا ہے کہ خلاف ورزی کرنے والوں پر قید و جرمانہ عائد کیا جائے گا۔
اس اقدام کا مقصد عمرہ زائرین کے ویزا قوانین کی پاسداری کو یقینی بنانا ہے تاکہ مملکت میں قیام کی قانونی مدت سے تجاوز نہ ہو۔
