اسلام آباد: (رائیٹ ناوٴ نیوز) وفاقی وزیر اطلاعات عطا اللہ تارڑ نے کہا ہے کہ آپریشن غضب للحق میں افغان طالبان کو بھاری نقصان پہنچا ہے۔ کاروائیوں کے دوران 133 طالبان کارندے ہلاک اور 200 سے زائد زخمی ہوئے ہیں۔ کابل، پکتیا اور قندھار میں اہم دفاعی اہداف کو نشانہ بنایا گیا جہاں مزید ہلاکتوں کا امکان ہے۔عطا تارڑ نے کہا کہ آپریشن کے دوران طالبان کی 27 پوسٹیں تباہ ہوئیں اور 9 پر قبضہ کیا گیا۔ دو کور ہیڈکوارٹرز، تین بریگیڈ ہیڈکوارٹرز، اور کئی دیگر اہم عسکری مقامات کو پاک فضائیہ نے نشانہ بنا کر تباہ کیا ہے۔