کراچی: (رائیٹ ناوٴ نیوز) ایکسپو سینٹر میں عالمی کتب میلے کا افتتاح کر دیا گیا، جہاں وزیر تعلیم سندھ سردار علی شاہ نے بچپن میں کتابیں چوری کرنے کا حیران کن انکشاف کیا۔

افتتاحی تقریب میں وزیر تعلیم سندھ سردار علی شاہ، صدر آرٹس کونسل آف پاکستان احمد شاہ اور نیشنل بک فاؤنڈیشن کے سیکریٹری مراد علی نے شرکت کی۔ وزیر تعلیم نے کہا کہ کتاب انسانی سماج کے ارتقاء کا اہم عنصر ہے اور جدید ٹیکنالوجی کے باعث کتاب کی اہمیت کم ہو رہی ہے۔

وزیر تعلیم نے بتایا کہ سوئیڈن میں 2024 میں اسکولوں میں کتابیں واپس لائی گئیں۔ انہوں نے کہا کہ سندھ کے سرکاری اسکولوں میں لائبریریز قائم کی جا رہی ہیں۔

کنوینر بک فیئر وقار متین نے بتایا کہ میلے میں 329 اسٹالز ہیں جن میں 17 غیر ملکی پبلشرز شامل ہیں۔ چیئرمین پاکستان پبلشرز اینڈ بک سیلرز ایسوسی ایشن کامران نورانی نے مزید کتب میلوں کی کوششوں کا اعلان کیا۔

صدر آرٹس کونسل احمد شاہ نے کہا کہ کتاب کی دوری معاشرتی بے چینی کا باعث ہے اور کتاب زندگی کی کنجی ہے۔